عاوز كام؟؟؟! من أكتر اللحظات المحرجة في أي انترفيو هي لحظة الإتفاق على الراتب، و خاصةً لحديثي التخرج ، لأنك في الغالب بتكون مش عاوز تبين إنك شخص مادي و تطلب راتب كبير فالشغلانه تطير منك، و برضه مش عاوز ترخص نفسك و تطلب راتب قليل أقل مما تستحق و تندم بعد كدة إنك رخصت نفسك.
الـ POST ده موجه خصيصاً للمهندسين حديثي التخرج هيساعدهم في الإتفاق على الراتب.
الـ POST ده موجه خصيصاً للمهندسين حديثي التخرج هيساعدهم في الإتفاق على الراتب.
#إزاي تتفق على الراتب؟ 
🤔
🤔
مبدئياً لازم تكون عارف إن توقيت الإتفاق على الراتب بيكون عادةً في نهاية الإنترفيو مش في بدايتها، و أدائك في الإنترفيو بيعزز أو بيضعف موقفك بشكل كبير في الإتفاق على الماليات، يعني إنت لو كنت موفق خلال الإنترفيو فده هيساعدك بشكل كبير إنك تطلب راتب أكبر.
بعض الشركات بتكون محددة مسبقاً راتب محدد لكل وظيفة حسب الدفعة و الخبرات و بعد الإنترفيو بيبعتولك على الإيميل Job Offer موضح فيه كل تفاصيل الوظيفه و الراتب.. إلخ
و في شركات قبل ماتدخل الإنترفيو هيخلوك تملى أبليكيشن توظيف و في خانة بيكون مكتوب فيها الراتب المتوقع أو الـ Expected Salary .
و في المكاتب الصغيرة نسبياً التفاوض على الراتب بيتم أثناء الإنترفيو نفسها فتوقع إنك تتسأل سؤال: #عاوز راتب كام؟
بعض الشركات بتكون محددة مسبقاً راتب محدد لكل وظيفة حسب الدفعة و الخبرات و بعد الإنترفيو بيبعتولك على الإيميل Job Offer موضح فيه كل تفاصيل الوظيفه و الراتب.. إلخ
و في شركات قبل ماتدخل الإنترفيو هيخلوك تملى أبليكيشن توظيف و في خانة بيكون مكتوب فيها الراتب المتوقع أو الـ Expected Salary .
و في المكاتب الصغيرة نسبياً التفاوض على الراتب بيتم أثناء الإنترفيو نفسها فتوقع إنك تتسأل سؤال: #عاوز راتب كام؟
من خلال البوست ده هنعرفك بعض الحاجات اللي ممكن تساعدك في الإتفاق على الراتب بشكل سليم، حاول تركز في الكلام اللي جاي و ماتضيعش البوست من إيدك
________________________________
إعرف سعرك: 
💰عشان تقدر تتفق على الراتب صح لازم تكون عارف سعرك في السوق، و سعرك في السوق بيعتمد على عوامل كتير.. إنت خريج دفعة كام، جامعة إيه، خبراتك السابقة، مهاراتك، البرامج اللي بتشتغلها، الكورسات اللي أخدتها، محل إقامتك، شخصيتك و أسلوبك، الوظيفة اللي هتشتغلها و طبيعة العمل، حجم الشركة... إلخ، و لكن بشكل عام عشان نكون محددين، متوسط رواتب مهندسين مدني حديثي التخرج دفعة 2018 حالياً في مصر تتراوح مابين 2500 ج و 3000 ج كراتب مبدئي Starting Salary – في شركات بتدفع رواتب أعلى و شركات بتدفع رواتب أقل.
💰عشان تقدر تتفق على الراتب صح لازم تكون عارف سعرك في السوق، و سعرك في السوق بيعتمد على عوامل كتير.. إنت خريج دفعة كام، جامعة إيه، خبراتك السابقة، مهاراتك، البرامج اللي بتشتغلها، الكورسات اللي أخدتها، محل إقامتك، شخصيتك و أسلوبك، الوظيفة اللي هتشتغلها و طبيعة العمل، حجم الشركة... إلخ، و لكن بشكل عام عشان نكون محددين، متوسط رواتب مهندسين مدني حديثي التخرج دفعة 2018 حالياً في مصر تتراوح مابين 2500 ج و 3000 ج كراتب مبدئي Starting Salary – في شركات بتدفع رواتب أعلى و شركات بتدفع رواتب أقل.
بالنسبة للـ 5 دفعات السابقة كل دفعة أقدم الراتب بيزيد في حدود 500 ج تقريباً، بمعنى إن لو خريج 2018 هيقبض راتب 3000 ج يبقى خريح 2017 هيقبض 3500 و خريج 2016 هيقبض 4000 و خريج 2015 هيقبض 4500 و خريج 2014 هيقبض 5000 ج – ده في حالة إن السنوات دي كانت سنوات خبرة حقيقية مش سنوات انتظار أو خدمة عسكرية.
الأرقام دي أكيد مش ثابته و بتعتمد على عوامل كتير، و لكن ممكن تساعدك في تقدير الراتب المتوقع.
الأرقام دي أكيد مش ثابته و بتعتمد على عوامل كتير، و لكن ممكن تساعدك في تقدير الراتب المتوقع.
ماتشتغلش ببلاش: 
💸خلينا نتفق إن الفلوس حاجة مهمة، و إن إحنا بنخرج من بيوتنا نروح الشغل علشان نقدر نجيب فلوس نعيش بيها على الأقل الحد الأدنى من الحياة الكريمة (السعي على الرزق) ، عشان كدة ماتشتغلش ببلاش.. لازم تكون عارف إن الوظيفة اللي مش هتوفرلك على الأقل مصاريفك الشخصية يبقى بلاش منها، بعض أصحاب الشركات للأسف بيستغلوا حاجة حديثي التخرج و بيبخسوا حقوقهم.
💸خلينا نتفق إن الفلوس حاجة مهمة، و إن إحنا بنخرج من بيوتنا نروح الشغل علشان نقدر نجيب فلوس نعيش بيها على الأقل الحد الأدنى من الحياة الكريمة (السعي على الرزق) ، عشان كدة ماتشتغلش ببلاش.. لازم تكون عارف إن الوظيفة اللي مش هتوفرلك على الأقل مصاريفك الشخصية يبقى بلاش منها، بعض أصحاب الشركات للأسف بيستغلوا حاجة حديثي التخرج و بيبخسوا حقوقهم.
إعرف نقاط قوتك: 
💪من أكتر الكلمات الللي بيكرهها حديثي التخرج هي " حديث التخرج " و اللي أصبحت صفة مقترنة بيهم و كأنها وصمة عار تحول بينهم و بين الوظيفة، و عشان إنت (حديث تخرج) فإنت لازم تقبل بأي راتب و أي شغل و أي ظروف و أي وضع، الكلام ده مش صح.. و زي ما انت نقطة ضعفك إنك حديث تخرج و ماعندكش خبرة زي ماهي في نفس الوقت ممكن تكون نقطة قوة.
تخيل معانا إن شركة مقاولات كبيرة مش معينة عندها أي مهندسين حديثي تخرج و كل اللي شغالين في الشركة مهندسين خبرة كبيرة هل تتوقع إن المنظومة كدة هتنضبط.. إطلاقاً، لأن الهرم الوظيفي للشركات الناجحة بيحتم عليها إنها يكون عندها قاعدة عريضة من حديثي التخرج لأن في مهام ماينفعش يقوم بيها مهندسين خبرات كبيرة.
الشركات زي ماهي محتاجة تعين مهندسين خبرات كبيرة زي مابتحتاج تعين مهندسين حديثي التخرج.
من نقاط القوة للمهندسين حديثي التخرج عموماً: بيكون عندهم الحماس للتعلم و العمل تحت ضغط – بيكون غالباً ماعندهمش إرتباطات أسرية- سنهم صغير و بيكون عندهم طاقة كبيرة للتحرك في الشغل بدون تعب - لنقص خبرتهم فبيكون من السهل تشكيلهم على طبيعة العمل بالشركة بسهولة - رواتبهم بتكون قليلة نسبياً مقارنةً بالمهندسين الخبرات و بالتالي لا يمثلوا عبء مالي على الشركة - المجتهدين منهم بيكونوا متمكنين من البرامج الهندسية و اللي ممكن يكون في مهندسين خبرات مايعرفوهاش... إلخ.
عشان كدة لازم في الإنترفيو تكون فاهم إن زي ما انت محتاج الشغل زي ما الشغل محتاجلك، و العلاقة بينك و بين الشركة أولاً و أخيراً هي علاقة Win-Win للطرفين، فلو صاحب الشغل حاول إنه يبخس حقك ماتسيبلوش الفرصة.
💪من أكتر الكلمات الللي بيكرهها حديثي التخرج هي " حديث التخرج " و اللي أصبحت صفة مقترنة بيهم و كأنها وصمة عار تحول بينهم و بين الوظيفة، و عشان إنت (حديث تخرج) فإنت لازم تقبل بأي راتب و أي شغل و أي ظروف و أي وضع، الكلام ده مش صح.. و زي ما انت نقطة ضعفك إنك حديث تخرج و ماعندكش خبرة زي ماهي في نفس الوقت ممكن تكون نقطة قوة.تخيل معانا إن شركة مقاولات كبيرة مش معينة عندها أي مهندسين حديثي تخرج و كل اللي شغالين في الشركة مهندسين خبرة كبيرة هل تتوقع إن المنظومة كدة هتنضبط.. إطلاقاً، لأن الهرم الوظيفي للشركات الناجحة بيحتم عليها إنها يكون عندها قاعدة عريضة من حديثي التخرج لأن في مهام ماينفعش يقوم بيها مهندسين خبرات كبيرة.
الشركات زي ماهي محتاجة تعين مهندسين خبرات كبيرة زي مابتحتاج تعين مهندسين حديثي التخرج.
من نقاط القوة للمهندسين حديثي التخرج عموماً: بيكون عندهم الحماس للتعلم و العمل تحت ضغط – بيكون غالباً ماعندهمش إرتباطات أسرية- سنهم صغير و بيكون عندهم طاقة كبيرة للتحرك في الشغل بدون تعب - لنقص خبرتهم فبيكون من السهل تشكيلهم على طبيعة العمل بالشركة بسهولة - رواتبهم بتكون قليلة نسبياً مقارنةً بالمهندسين الخبرات و بالتالي لا يمثلوا عبء مالي على الشركة - المجتهدين منهم بيكونوا متمكنين من البرامج الهندسية و اللي ممكن يكون في مهندسين خبرات مايعرفوهاش... إلخ.
عشان كدة لازم في الإنترفيو تكون فاهم إن زي ما انت محتاج الشغل زي ما الشغل محتاجلك، و العلاقة بينك و بين الشركة أولاً و أخيراً هي علاقة Win-Win للطرفين، فلو صاحب الشغل حاول إنه يبخس حقك ماتسيبلوش الفرصة.
خليك محدد: 
👌في لحظات الإتفاق على الراتب لازم تكون محدد جداً و واضح في كلامك و ماتسيبش الكلام عايم، ماينفعش تستلم شغل و إنت مش عارف انت هتقبض كام تحديداً، لازم يكون الإتفاق على الراتب واضح و صريح.
👌في لحظات الإتفاق على الراتب لازم تكون محدد جداً و واضح في كلامك و ماتسيبش الكلام عايم، ماينفعش تستلم شغل و إنت مش عارف انت هتقبض كام تحديداً، لازم يكون الإتفاق على الراتب واضح و صريح.
ماتتكسفش تطلب حقك: 
🙄في مقوله بتقول "ماتتكسفش تطالب بحقك عشان في ناس مش هتتكسف تاكله"، بمعنى إنك لازم تكون عارف إن الراتب ده (حقك) مش تفضل من صاحب الشغل و مش بيمن عليك بيه.. لأن للأسف في شباب كتير من حديثي التخرج بيشعروا بالحرج وقت الكلام على الراتب و حقوقهم المادية و ده للأسف ممكن اللي بيعملك الإنترفيو يستغله و يعرض عليك راتب أقل مما تستحق.
🙄في مقوله بتقول "ماتتكسفش تطالب بحقك عشان في ناس مش هتتكسف تاكله"، بمعنى إنك لازم تكون عارف إن الراتب ده (حقك) مش تفضل من صاحب الشغل و مش بيمن عليك بيه.. لأن للأسف في شباب كتير من حديثي التخرج بيشعروا بالحرج وقت الكلام على الراتب و حقوقهم المادية و ده للأسف ممكن اللي بيعملك الإنترفيو يستغله و يعرض عليك راتب أقل مما تستحق.
ماترخصش نفسك: 
👎إحنا مقدرين تماماً إن فرص الشغل حالياً محدودة مقارنةً بعدد الخريجين و إن مش بسهولة بتلاقي وظيفة مناسبة، و لكن ده مش معناه إنك لما تروح إنترفيو تقبل بأي راتب، طالما هتشتغل يبقى تاخد حقك لأن المهندسين حديثي التخرج اللي بيقبلوا برواتب متدنية للأسف الشديد و بدون قصد منهم بيرخصوا نفسهم و بيرخصوا زمايلهم من المهندسين، و لكن لو كل المهندسين حديثي التخرج أجمعوا إنهم مش هيقبلوا بأي راتب ده هيجبر السوق إنه يرفع سعر المهندس نسبياً.
👎إحنا مقدرين تماماً إن فرص الشغل حالياً محدودة مقارنةً بعدد الخريجين و إن مش بسهولة بتلاقي وظيفة مناسبة، و لكن ده مش معناه إنك لما تروح إنترفيو تقبل بأي راتب، طالما هتشتغل يبقى تاخد حقك لأن المهندسين حديثي التخرج اللي بيقبلوا برواتب متدنية للأسف الشديد و بدون قصد منهم بيرخصوا نفسهم و بيرخصوا زمايلهم من المهندسين، و لكن لو كل المهندسين حديثي التخرج أجمعوا إنهم مش هيقبلوا بأي راتب ده هيجبر السوق إنه يرفع سعر المهندس نسبياً.
خليك واقعي: 
🕵عشان نكون منطقيين في كلامنا، مايننفعش برضه تطلب راتب مبالغ فيه لأنك في الحالة دي هتقعد من غير شغل و مافيش شركة هاتقبلك، حتى لو انت مهندس متميز عن باقي دفعتك.. زي مافي حد أدنى من الراتب بننصحك ماتقلش عنها زي مافي حد أعلى ماينفعش تطلب أكتر منه حتى لو انت over qualified، و بفرض إنك مهندس متميز و شايف إنك تستحق راتب أكبر ماتستعجلش و سيب شغلك يثبت ده و مع الوقت راتبك هيزيد حسب شطارتك.
🕵عشان نكون منطقيين في كلامنا، مايننفعش برضه تطلب راتب مبالغ فيه لأنك في الحالة دي هتقعد من غير شغل و مافيش شركة هاتقبلك، حتى لو انت مهندس متميز عن باقي دفعتك.. زي مافي حد أدنى من الراتب بننصحك ماتقلش عنها زي مافي حد أعلى ماينفعش تطلب أكتر منه حتى لو انت over qualified، و بفرض إنك مهندس متميز و شايف إنك تستحق راتب أكبر ماتستعجلش و سيب شغلك يثبت ده و مع الوقت راتبك هيزيد حسب شطارتك.
خد وقتك: 
⌚بسبب الضغط النفسي و التوتر اللي بنكون حاسينه خلال الإنترفيو فأحياناً بنقبل بحاجات ممكن نندم عليها بعدين، عشان كدة لو اتعرض عليك في الإنترفيو راتب أقل من توقعاتك ماتستعجلش في الرد، ممكن بشياكة تطلب إنك تاخد وقتك في التفكير في العرض و إنك هترد على الشركة خلال 24 أو 48 ساعة ممثلاً، ده أبسط حقوقك.
⌚بسبب الضغط النفسي و التوتر اللي بنكون حاسينه خلال الإنترفيو فأحياناً بنقبل بحاجات ممكن نندم عليها بعدين، عشان كدة لو اتعرض عليك في الإنترفيو راتب أقل من توقعاتك ماتستعجلش في الرد، ممكن بشياكة تطلب إنك تاخد وقتك في التفكير في العرض و إنك هترد على الشركة خلال 24 أو 48 ساعة ممثلاً، ده أبسط حقوقك.
قول لأ: 
📣بسبب قله الفرص في حياتنا فكتير مننا للأسف الشديد بيضطر يقبل بأي فرصة قدامه حتى لو هي بمقاييس العقل و المنطق فرصة مش مناسبة، عشان كدة لازم تدرب نفسك على ثقافة الرفض.. إنك ممكن تنهي الإنترفيو بإنك تقول (لأ) لو العرض مش مناسب أو ظروف الشغل مش مناسبة.
📣بسبب قله الفرص في حياتنا فكتير مننا للأسف الشديد بيضطر يقبل بأي فرصة قدامه حتى لو هي بمقاييس العقل و المنطق فرصة مش مناسبة، عشان كدة لازم تدرب نفسك على ثقافة الرفض.. إنك ممكن تنهي الإنترفيو بإنك تقول (لأ) لو العرض مش مناسب أو ظروف الشغل مش مناسبة.
حط نفسك مكانه: 
👓من أكتر الحاجات اللي لو أخدتها في الإعتبار هتقدر تنهي الإنترفيو لصالحك هي إنك تبدل الكراسي و الأدوار و تحط نفسك مكان الشخص اللي بيعملك الإنترفيو و تفكر بدماغه، لازم يكون عندك مهاره الإقناع و التفاوض و تدرب نفسك عليهم.. إيه اللي يخلي الشخص اللي قدامك يقبلك إنت تحديداً دوناً عن كل المتقدمين حتى لو طلبت راتب أعلى.
👓من أكتر الحاجات اللي لو أخدتها في الإعتبار هتقدر تنهي الإنترفيو لصالحك هي إنك تبدل الكراسي و الأدوار و تحط نفسك مكان الشخص اللي بيعملك الإنترفيو و تفكر بدماغه، لازم يكون عندك مهاره الإقناع و التفاوض و تدرب نفسك عليهم.. إيه اللي يخلي الشخص اللي قدامك يقبلك إنت تحديداً دوناً عن كل المتقدمين حتى لو طلبت راتب أعلى.
الإستقطاعات: 
✂خلي بالك يا هندسة، ممكن تتفق على راتب محدد مثلاً 3000 ج و وقت ماتيجي تقبض تكتشف إنهم 2600 ج فقط، اللي حصل إن المبلغ اللي انت اتفقت عليه اتخصم منه ضرائب و تأمينات، عشان كدة لازم وقت الإتفاق توضح إن الراتب اللي بتتفق عليه هو Net Salary مش Gross Salary ، الـ Net Salary هو الراتب الصافي اللي هتقبضه في إيدك بعد أي خصومات أو إستقطاعات.
✂خلي بالك يا هندسة، ممكن تتفق على راتب محدد مثلاً 3000 ج و وقت ماتيجي تقبض تكتشف إنهم 2600 ج فقط، اللي حصل إن المبلغ اللي انت اتفقت عليه اتخصم منه ضرائب و تأمينات، عشان كدة لازم وقت الإتفاق توضح إن الراتب اللي بتتفق عليه هو Net Salary مش Gross Salary ، الـ Net Salary هو الراتب الصافي اللي هتقبضه في إيدك بعد أي خصومات أو إستقطاعات.
البدلات: 
💲
قبل ماتتفق على الراتب لازم تكون عارف ظروف الوظيفة و طبيعة العمل، لأن أحياناً مثلاً لو هتشتغل مهندس موقع في مشروع بعيد عن محل إقامتك هتحتاج توفر إقامة و انتقالات بمبلغ كبير ده غير مصاريفك اليومية و مكالمات الشغل.. إلخ، لو انت ما اتفقتش على بدلات للمصاريف دي فممكن الراتب بتاعك بالكامل مايكفيش مصاريفك لآخر الشهر، عشان كدة لازم قبل الإتفاق على الراتب تعرف هل في بدل انتقال أو سكن و بدل مكالمات أو خط موبايل الشركة هتسلمهولك.. إلخ.
💲قبل ماتتفق على الراتب لازم تكون عارف ظروف الوظيفة و طبيعة العمل، لأن أحياناً مثلاً لو هتشتغل مهندس موقع في مشروع بعيد عن محل إقامتك هتحتاج توفر إقامة و انتقالات بمبلغ كبير ده غير مصاريفك اليومية و مكالمات الشغل.. إلخ، لو انت ما اتفقتش على بدلات للمصاريف دي فممكن الراتب بتاعك بالكامل مايكفيش مصاريفك لآخر الشهر، عشان كدة لازم قبل الإتفاق على الراتب تعرف هل في بدل انتقال أو سكن و بدل مكالمات أو خط موبايل الشركة هتسلمهولك.. إلخ.
الفصال: 
🗣في شركات بتكون عندها لائحة داخليه و محددة الرواتب حسب الدفعات و حسب الوظيفة و طبيعة العمل – و دي شركات أقلية- إنما أغلب الشركات فالإتفاق على الراتب فيها بيعتمد على الشطارة في التفاوض و الفصال و انت لازم تكون فاهم ده كويس بحيث تطلب راتب أعلى من المتوقع بمبلغ بسيط بحيث بعد التفاوض يوصل للراتب الي انت متوقعه.
في شركات لو طلبت 4000 يقولك طب خليهم 3000 و لو طلبت 3000 يقولك خليهم 2000 و لو طلبت 1000 هيقولك طب تشتغل ببلاش، فالموضوع هتحس إن جزء منه بيعتمد على النصاحة و الفهلوة.
🗣في شركات بتكون عندها لائحة داخليه و محددة الرواتب حسب الدفعات و حسب الوظيفة و طبيعة العمل – و دي شركات أقلية- إنما أغلب الشركات فالإتفاق على الراتب فيها بيعتمد على الشطارة في التفاوض و الفصال و انت لازم تكون فاهم ده كويس بحيث تطلب راتب أعلى من المتوقع بمبلغ بسيط بحيث بعد التفاوض يوصل للراتب الي انت متوقعه.في شركات لو طلبت 4000 يقولك طب خليهم 3000 و لو طلبت 3000 يقولك خليهم 2000 و لو طلبت 1000 هيقولك طب تشتغل ببلاش، فالموضوع هتحس إن جزء منه بيعتمد على النصاحة و الفهلوة.
فترة الإختبار: 
📝زي مابنتكلم في حقوقك كحديث تخرج لازم برضه نكون عارفين إن الشركة اللي هنشتغل فيها ليها حقوق، و من حق الشركة وفقاً لقانون العمل المصري إنها تعينك تعيين مؤقت لمدة 3 شهور كفترة اختبار عشان تتأكد من صلاحيتك للوظيفة.
ممكن تلاقي الشخص اللي بيعملك الإنترفيو بيقولك إن خلال فترة الإختبار هيكون الراتب أقل من اللي انت طلبته بمعنى إنك ممكن مثلاً تكون اتفقت على راتب 3000 ج فيقولك إنك هتتعين بـ Starting Salary 2000 ج لمدة 3 شهور لحين إنتهاء فترة الإختبار و بعدها يتم عمل تقييم لمستواك و يتحددلك الراتب الثابت بتاعك، ممكن توافق طبعاً دي مافيهاش مشاكل و لكن بشرط إن الكلام ده يتكتب في العقد نصاً.
في بعض الشركات ممكن يقولك إنك هتشتغل فترة الإختبار ببلاش لحين تقييمك، ماتوافقش أبداً على ده تحت أي ظرف.. ماتخرجش من بيتك الصبح تروح الشغل إلا لو على الأقل هتوفر مصاريفك الشخصية حتى لو انت في فترة الإختبار.
📝زي مابنتكلم في حقوقك كحديث تخرج لازم برضه نكون عارفين إن الشركة اللي هنشتغل فيها ليها حقوق، و من حق الشركة وفقاً لقانون العمل المصري إنها تعينك تعيين مؤقت لمدة 3 شهور كفترة اختبار عشان تتأكد من صلاحيتك للوظيفة.ممكن تلاقي الشخص اللي بيعملك الإنترفيو بيقولك إن خلال فترة الإختبار هيكون الراتب أقل من اللي انت طلبته بمعنى إنك ممكن مثلاً تكون اتفقت على راتب 3000 ج فيقولك إنك هتتعين بـ Starting Salary 2000 ج لمدة 3 شهور لحين إنتهاء فترة الإختبار و بعدها يتم عمل تقييم لمستواك و يتحددلك الراتب الثابت بتاعك، ممكن توافق طبعاً دي مافيهاش مشاكل و لكن بشرط إن الكلام ده يتكتب في العقد نصاً.
في بعض الشركات ممكن يقولك إنك هتشتغل فترة الإختبار ببلاش لحين تقييمك، ماتوافقش أبداً على ده تحت أي ظرف.. ماتخرجش من بيتك الصبح تروح الشغل إلا لو على الأقل هتوفر مصاريفك الشخصية حتى لو انت في فترة الإختبار.
نصايح ع السريع:==========
• لو اتسألت في الإنترفيو عاوز راتب كام أو متوقع راتب كام.. بلاش ترد تقول أنا عاوز راتب كذا على طول، ردك يكون على مرحلتين أفضل.. المرحلة الأولى إنك ترمي الكورة في ملعب الشخص اللي بيسألك بمعنى إنك تحاول تخليه هو اللي يقول الراتب المقترح مش انت اللي تقول الراتب المتوقع، و لو مانجحتش في المرحلة دي و هتضطر إنت اللي تقول رقم محدد يبقى ماتقولش أنا متوقع كذا، الأفضل تقول مثلاً.. أنا أغلب المهندسين زمايل اللي أعرفهم بيشتغلوا حالياً بوظيفة مشابهه رواتبهم في حدود كذا.. كده الرد بيكون أشيك.
• لو في إحدى اللحظات حسيت بالحرج من إنك تسأل على الراتب.. بلاش تستخدم كلمة راتب.. إستخدم كلمة Salary، مع إنها نفسه المعنى و لكنها لأنها بالEnglish فهتحس إنك مش محرج و انت بتقولها.
• بلاش تثير الكلام على الراتب أو الماديات إلا لما تحس إن فيه قبول و إنك شخص مرغوب فيه و إن الإنترفيو ماشيه لصالحك.. يعني ماينفعش في بداية الإنترفيو إنت اللي تسأل على الراتب.
• احتمال في الإتفاق يتبع معاك أسلوب الضغط النفسي.. زي إنه يحسسك إن خبراتك قليلة و يتكلم عن نقاط ضعفك وقت الإتفاق.. حاول يكون عندك ثبات إنفعالي و ماتتهزش.
• بلاش تناكه.. أيوه بالظبط كدة زي ماقريتها، مش معنى إنك تطلب راتب كويس إنك تطلبه بغرور.. حاول يكون عندك لباقه و ذوق في الطلب و تكون واثق من نفسك بس مش مغرور.
• بلاش إستعطاف في الإتفاق على الراتب.. إنت رايح تشتغل مش بتشحت.. يعني ماينفعش يسألك متوقع راتب كام فترد تقوله أي حاجه حضرتك أو إنه مش هيفرق أو إنك مش هتوافق على أي راتب.
• في حاجة مهمة جداً في الإنترفيو هتساعدك في الإتفاق على الراتب و هتعزز موقفك.. و هي "مظهرك" أيوه باظبط كدة.. لبسك و تسريحه شعرك و ساعتك و الـ Perfume بتاعك و كل تفاصيل لبسك و موبايلك و ميدالية مفاتيحك.. التفاصيل دي ممكن تبدوا لكتير من اللي هيقروا البوست إنها تفاصيل ثانوية و مش هتفرق و لكنها فعلاً بتدي انطباع عنك إنك شخص عايش في مستوى إجتماعي معين و بالتالي مش هتقبل بأقل من راتب محدد، تخيل كدة 2 مهندسين واحد منهم داخل الإنترفيو لابس شيك و الساعة و النضارة الشمس و أناقة المظهر.. و التاني داخل مش مهتم لا بلبسه ولا بمظهره، التفاصيل دي حتى لو انت مش مقتنع بيها بس هي بتفرق.
• الراتب أولاً و أخيراً بيعتمد عليك إنت.. عشان تقدر تتفق على راتب كويس لازم تسأل نفسك.. إيه اللي هتقدمه لصاحب الشغل و للشركة اللي هتشتغل فيها، هل إنت فعلاً مميز و مختلف عن باقي المهندسين.. أخبارك إيه في البرامج.. إيه الحاجات اللي انت شاطر فيها.. هل بتتعلم بسرعة.. هل فعلاً إنت تستاهل الراتب اللي بتطلبه ولا لأ، خد كل الإعتبارات دي في الحسبان.. عشان لو انت بتطلب أكتر مما تستحق يبقى مش هتلاقي شكرة تشغلك .
• لو اتسألت في الإنترفيو عاوز راتب كام أو متوقع راتب كام.. بلاش ترد تقول أنا عاوز راتب كذا على طول، ردك يكون على مرحلتين أفضل.. المرحلة الأولى إنك ترمي الكورة في ملعب الشخص اللي بيسألك بمعنى إنك تحاول تخليه هو اللي يقول الراتب المقترح مش انت اللي تقول الراتب المتوقع، و لو مانجحتش في المرحلة دي و هتضطر إنت اللي تقول رقم محدد يبقى ماتقولش أنا متوقع كذا، الأفضل تقول مثلاً.. أنا أغلب المهندسين زمايل اللي أعرفهم بيشتغلوا حالياً بوظيفة مشابهه رواتبهم في حدود كذا.. كده الرد بيكون أشيك.
• لو في إحدى اللحظات حسيت بالحرج من إنك تسأل على الراتب.. بلاش تستخدم كلمة راتب.. إستخدم كلمة Salary، مع إنها نفسه المعنى و لكنها لأنها بالEnglish فهتحس إنك مش محرج و انت بتقولها.
• بلاش تثير الكلام على الراتب أو الماديات إلا لما تحس إن فيه قبول و إنك شخص مرغوب فيه و إن الإنترفيو ماشيه لصالحك.. يعني ماينفعش في بداية الإنترفيو إنت اللي تسأل على الراتب.
• احتمال في الإتفاق يتبع معاك أسلوب الضغط النفسي.. زي إنه يحسسك إن خبراتك قليلة و يتكلم عن نقاط ضعفك وقت الإتفاق.. حاول يكون عندك ثبات إنفعالي و ماتتهزش.
• بلاش تناكه.. أيوه بالظبط كدة زي ماقريتها، مش معنى إنك تطلب راتب كويس إنك تطلبه بغرور.. حاول يكون عندك لباقه و ذوق في الطلب و تكون واثق من نفسك بس مش مغرور.
• بلاش إستعطاف في الإتفاق على الراتب.. إنت رايح تشتغل مش بتشحت.. يعني ماينفعش يسألك متوقع راتب كام فترد تقوله أي حاجه حضرتك أو إنه مش هيفرق أو إنك مش هتوافق على أي راتب.
• في حاجة مهمة جداً في الإنترفيو هتساعدك في الإتفاق على الراتب و هتعزز موقفك.. و هي "مظهرك" أيوه باظبط كدة.. لبسك و تسريحه شعرك و ساعتك و الـ Perfume بتاعك و كل تفاصيل لبسك و موبايلك و ميدالية مفاتيحك.. التفاصيل دي ممكن تبدوا لكتير من اللي هيقروا البوست إنها تفاصيل ثانوية و مش هتفرق و لكنها فعلاً بتدي انطباع عنك إنك شخص عايش في مستوى إجتماعي معين و بالتالي مش هتقبل بأقل من راتب محدد، تخيل كدة 2 مهندسين واحد منهم داخل الإنترفيو لابس شيك و الساعة و النضارة الشمس و أناقة المظهر.. و التاني داخل مش مهتم لا بلبسه ولا بمظهره، التفاصيل دي حتى لو انت مش مقتنع بيها بس هي بتفرق.
• الراتب أولاً و أخيراً بيعتمد عليك إنت.. عشان تقدر تتفق على راتب كويس لازم تسأل نفسك.. إيه اللي هتقدمه لصاحب الشغل و للشركة اللي هتشتغل فيها، هل إنت فعلاً مميز و مختلف عن باقي المهندسين.. أخبارك إيه في البرامج.. إيه الحاجات اللي انت شاطر فيها.. هل بتتعلم بسرعة.. هل فعلاً إنت تستاهل الراتب اللي بتطلبه ولا لأ، خد كل الإعتبارات دي في الحسبان.. عشان لو انت بتطلب أكتر مما تستحق يبقى مش هتلاقي شكرة تشغلك .
__________________________________
